«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні
Прадстаўніца міністэрства расказала, што беларусаў ужо караюць за пасты ў гэтай сацсетцы.
Пра небяспеку Threads паразважала начальніца ўпраўлення інфармацыі і грамадскіх сувязяў Наталля Сахарчук. Яе непакоіць вялікая колькасць скаргаў ад беларусаў у гэтай сацсетцы. А яшчэ тое, што Threads карыстаюцца людзі 30—40 гадоў.
«На сённяшні момант гэта сапраўды пагроза бяспецы. Чаму? Таму што многія людзі ўвогуле не разумеюць гэтую сацыяльную сетку. У Threads, паводле ўсіх апошніх даследаванняў, у асноўным узроставая катэгорыя ідзе 30—40 гадоў. Гэта самая актыўная катэгорыя, якая таксама хоча быць у трэндзе.
Усе выдатна зразумелі адно: што дастаткова напісаць нейкую эсэмэску ў Threads… Напрыклад, мне не спадабалася, якія прадукты на паліцы, альбо мне не спадабалася, як паглядзеў на мяне супрацоўнік ДАІ, альбо мне не спадабалася, як прайшоў міма і здзейсніў нейкае дзеянне ў дачыненні… У нас адразу ўсё размяшчаецца ў сацыяльных сетках», — сказала Сахарчук у эфіры СТБ.
Як лічыць прадстаўніца МУС, пра ўсе злачынствы трэба паведамляць непасрэдна ў міліцыю. Але людзі чамусьці выкладваюць усё ў сацсеткі. На думку Сахарчук, каб пахайпіцца. Таму сілавікі ўжо пачалі караць аўтараў пастоў. Прычым Сахарчук пагражае крыміналкамі.
«У нас неаднаразова былі выяўленыя падчас маніторынгу такія пасты, за якія людзі панеслі адміністрацыйную адказнасць. А я хачу сказаць, што можна быць прыцягнутым не толькі да адміністрацыйнай адказнасці, але і да крымінальнай. Таму што трэба думаць галавой, што вы размяшчаеце ў любой з сацыяльных сетак, таму што наступствы не прымусяць сябе чакаць», — адзначыла прадстаўніца МУС.
Яна заявіла, што міліцыя маніторыць сацсеткі кругласутачна і, калі што, рэагуе імгненна.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект9
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары