У Клайпедзе танула двое беларусаў. Спатрэбілася дапамога дактароў
Спачатку ў літоўскай Балтыцы танулі 18-гадовы юнак і яго маці, якія прыехалі на мора з Мінска, пазней ратавалі 12-гадовую дзяўчынку з Клайпеды, якая прыйшла на мора з бабуляй, піша Delfi.
«Самае непрыемнае, што і нашы грамадзяне, і прыезджыя не звяртаюць увагі на знакі «Яма» і «Купацца забаронена». Яны купаліся там, дзе адбойнае цячэнне выносіць у мора», — сказаў намеснік дырэктара Klaipėdos paplūdimiai («Клайпедскія пляжы») Аляксандрас Сіякі.
Паводле яго, калі б не вокамгненная рэакцыя ратавальнікаў, то сітуацыя была б сумнай.
«Бабуля 12-гадовай дзяўчынкі распавяла, што сачыла за ўнучкай, якая купалася ў моры, і толькі на імгненне адвяла позірк, як цячэнне забрала дзяўчынку ў мора. Гэта добры прыклад — нельга пакідаць дзяцей у моры адных. На шчасце, усё скончылася добра», — заўважыў Сіякі.
Беларусам спатрэбілася дапамога дактароў, але ўсё абышлося. У суботу ратавальнікі дапамагалі выбрацца з ямы і іншым адпачывальнікам.
«Вісіць жоўты сцяг, людзі расслабіліся. Мора бывае небяспечным, асабліва тады, калі ёсць адбойнае цячэнне і хвалі. Будзьце асцярожныя», — заклікаў выратавальнік.
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?10
Каментары