Грамадства

У Мінску будуць судзіць 15-гадовага падлетка за «вымаганне». Верагодна, гэта брат адміністратара пратэснага канала чыгуначнікаў

Пракуратура горада Мінска накіравала ў суд крымінальную справу ў дачыненні да 15-гадовага мінчука, якога абвінавачваюць у вымаганні грошай у шасцікласніка. Але гэта не звычайная крыміналка, у гэтай справе ёсць важны нюанс.

Як сцвярджае пракуратура, вымаганне працягвалася з красавіка па лістапад 2022 года. Мінскі падлетак нібыта неаднаразова патрабаваў у 12-гадовага знаёмага аддаць яму грошы — ад 25 да 1500 рублёў. Пры гэтым пагражаў гвалтам, а таксама біў па галаве, руках і нагах. Акрамя таго, палохаў тым, што агучыць «звесткі, якія хлопчык хацеў захаваць у таямніцы».

«Спачатку абвінавачваны вырашыў «пагаварыць» з пацярпелым каля крамы, пасля чаго стаў сістэматычна падыходзіць да яго ў школе на перапынках. Часам такія «размовы» праходзілі ў прысутнасці іншых хлопцаў», — распавялі ў пракуратуры.

Шасцікласнік, як сцвярджаецца, трываў здзекі да моманту, пакуль крыўдзіцель чарговы раз яго не штурхнуў, і потым распавёў пра ўсё педагогу.

Цяпер 15-гадовага падлетка абвінавачваюць па ч. 2 арт. 208 КК — «Вымаганне, здзейсненае з ужываннем гвалту, не небяспечнага для жыцця і здароўя пацярпелага». Ён знаходзіцца пад вартай.

Здавалася б, гэта звычайная крымінальная справа без ніякай палітычнай падкладкі. Але падобна да таго, што палітычная матывацыя тут ёсць, бо ўсё сведчыць пра тое, што гаворка ідзе пра 15-гадовага Арцёма Вайцяховіча. Гэта малодшы брат адміністратара тэлеграм-канала «Беларуская супольнасць чыгуначнікаў».

Сілавікі патрабавалі, каб быў выдалены пратэсны канал чыгуначнікаў, у абмен на вызваленне падлетка. Падрабязна пра гэта расказваў сам адміністратар канала Сяргей Вайцяховіч у інтэрв'ю «Нашай Ніве» ў лютым гэтага года.

Па гэтым артыкуле падлетку пагражае да 10-ці гадоў зняволення.

Пасля арышту Арцёма тры дні трымалі ў ізалятары на Акрэсціна. Да яго не пускалі ні бацькоў, ні адваката. Потым адправілі ў РНПЦ псіхічнага здароўя («Навінкі»).

Цяпер Арцёма Вайцяховіча ўтрымліваюць на Валадарцы.

 

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць