У Мінску ад удару маланкі загарэлася дрэва, а ў Вілейскім раёне ад непагадзі загінуў чалавек
У Мінску другія суткі непагадзь. З-за падтапленняў у цэнтры сёння спынялі транспарт, а ў раёне вуліцы Карастаянавай нават загарэлася дрэва, як мяркуецца, ад удару маланкі.
Відавочцы паведамляюць, што пажар ужо ліквідаваны.
Акрамя таго, мінчукі дзеляцца паведамленнямі аб паваленых дрэвах у горадзе і на трасах. Паводле звестак МНС, толькі за ўчора ў Мінску ўпала 16 дрэў.
Падобная непагадзь бушуе і ў правінцыі, падчас яе нават гінуць людзі. Так адбылося ў Вілейскім раёне, дзе на мужчыну ўпала дрэва, паведамілі ў МНС.
Загінулы — 52-гадовы жыхар Смалявіцкага раёна. Паводле папярэдняй інфармацыі, ён разам з сям'ёй прыехаў адпачыць на Вілейскім вадасховішчы. Калі пачаўся ўраган, жонка са старэйшым сынам схаваліся ў аўтамабілі, а мужчына з 11-гадовым дзіцем застаўся перачакаць непагадзь у палатцы. Але падчас навальніцы моцным парывам ветру вырвала дрэва, якое ўпала на палатку і прыціснула мужчыну. Жанчына неадкладна выклікала МНС і хуткую дапамогу, але гэта не дапамагло — яе муж загінуў ад траўмаў. Падлетак сур'ёзных траўмаў не атрымаў.
Чытайце таксама:
У Лагойскім раёне перакулілася машына хуткай дапамогі
У Капыльскім раёне маланка ўдарыла ў купал царквы
На жніве ў Любанскім раёне загінуў 18-гадовы памочнік камбайнера
Цяпер чытаюць
Бліжэйшым часам будуць вызвалены больш за 150 палітзняволеных6
Каментары