Зяленскі шукае замену міністру абароны Рэзнікаву — «Украінская праўда»
Прэзідэнт Украіны Уладзімір Зяленскі шукае замену Аляксею Рэзнікаву на пасадзе міністра абароны, і ў яго ўжо ёсць прынамсі два кандыдаты на гэта, паведамляе «Украінская праўда» на падставе сваіх крыніц ва ўладных колах.
Адстаўку Аляксея Рэзнікава ва Украіне прарочылі даўно, але цяпер, як выказалася «Украінская праўда», яна перайшла з тэарэтычна магчымай у практычна магчымую.
Адстаўка Рэзнікава ўжо абмяркоўвалася на пачатку лютага пасля шэрагу скандалаў, звязаных з ім і ягоным ведамствам. Кандыдатам на міністра абароны тады лічыўся начальнік Галоўнага ўпраўлення разведкі Мінабароны Кірыл Буданаў. Але тады ў выніку ўсе засталіся на сваіх месцах.
Цяпер жа, паводле звестак «Украінскай праўды», Зяленскі зноў шукае кандыдатаў на замену Рэзнікаву, і пра гэта былі размовы ўжо з двума людзьмі з урада.
Першы кандыдат — гэта намеснік прэм'ер-міністра па аднаўленні Украіны Аляксандр Кубракоў, а другі — міністр па пытаннях стратэгічных галін прамысловасці Украіны Аляксандр Камышын. Ці былі размовы з іншымі кандыдатамі, выданню невядома.
Што да Рэзнікава, то ён нібыта не супраць стаць паслом у Вялікабрытаніі, але невядома, ці хоча гэтага Зяленскі.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары