Арыштаваныя транспартныя сродкі даўжнікоў неўзабаве будуць спыняць на мяжы і перадаваць судовым выканаўцам. Гэта прадугледжана пастановай Мінюста ад 10 жніўня 2023 года № 47, апублікаванай на Нацыянальным прававым партале.
Дакумент мае ўступіць у сілу 1 сакавіка 2024 года, а сутнасць яго ў тым, што органы прымусовага выканання будуць цяпер узаемадзейнічаць з Дзяржпагранкамітэтам.
Пры прыняцці рашэння аб забароне на перамяшчэнне праз дзяржаўную мяжу арыштаванага транспартнага сродку даўжніка звесткі пра такі аўтамабіль будуць заносіцца ў базу даных пунктаў пропуску.
У выпадку ўстанаўлення памежнікамі або мытнікамі такога транспартнага сродку, які выязджае або ўязджае ў краіну, аўтамабілю не дазволяць пакінуць тэрыторыю пункта пропуску, пакуль не прыбудзе судовы выканаўца і не адбярэ яго.
Звесткі будуць адпраўляцца на мяжу не пазней за адзін працоўны дзень з моманту вынясення пастановы аб забароне на перамяшчэнне транспартнага сродку. Пры выяўленні такога аўтамабіля органы прымусовага выканання інфармуюцца неадкладна.
Судовы выканаўца пасля атрымання такой інфармацыі на працягу трох працоўных дзён выязджае ў пункт пропуску і забірае транспартны сродак на ахоўную стаянку.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары