Недабудаваны лікёра-гарэлачны завод можна купіць у вёсцы Лешчанка Навагрудскага раёна. Пачатковая цана — больш за 532 тыс. рублёў (каля 169 тыс. даляраў), паведамляецца на сайце Беларускай універсальнай таварнай біржы.
Гэты завод будавалі дзесяць гадоў з 1992 года. Яго прадае адкрытае акцыянернае таварыства «Прынёманскі».
Акрамя будынка вытворчага корпуса, які займае каля 4,8 тыс. кв. м, на продаж выставілі памяшканне прахадной са сталовай, будынкі кацельні, помпавай станцыі, склада, аздараўленчага комплексу, спіртасховішча, адміністрацыйна-бытавога комплексу, рэзервуары запасаў вады і мазуту.
Зямельны ўчастак займае 6,7 га.
Таргі прызначаныя на 18 верасня, заяўкі прымаюць да 13 верасня.
Раней на аўкцыён выстаўлялі лікёра-гарэлачны завод «Мажэйкава» ў Лідскім раёне. Пачатковы яго кошт быў 20,3 млн рублёў, аднак прадаць лот пакуль не ўдалося.
Каментары