Беларусь не змагла знайсці замену еўрапейскім рынкам для продажу пелет
Адзіны тавар дрэваапрацоўкі, для якога Беларусь пакуль не змагла знайсці новых рынкаў збыту, каб замясціць рынкі еўрапейскіх краін, што выпалі з-за санкцый, — гэта паліўныя пелеты. Пра гэта распавёў міністр лясной гаспадаркі Аляксандр Кулік, піша Office Life.
Паводле яго слоў у эфіры БТ, з-за кліматычных умоў паўднёвым краінам паліўныя пелеты не патрэбныя. Гэта быў прэміум-тавар для еўрапейскага рынку — пры развіцці ў нас вытворчасці пелет арыентаваліся ў першую чаргу на яго ёмістасць, а гэта — 3 млн т на год.
Цяпер Беларусь вырабляе 900 тыс. т на год, і, па словах Куліка, да санкцый па прадукцыю пелетных прадпрыемстваў «чарга стаяла».
Цяпер пошук новых рынкаў збыту і выбудоўванне новых лагістычных ланцужкоў для экспарту пелет — задача нумар адзін для Мінлясгаса. Ёсць планы і на ўнутраны рынак: на думку міністра, калі ў Беларусі мадэрнізаваць каля 540 кацельняў, яны змогуць спажываць 100 тыс. т пелет на год, гэта значыць 1/9 ад агульнага аб'ёму вытворчасці.
У цэлым жа дрэваапрацоўка змагла пераарыентавацца на новыя рынкі збыту — у прыватнасці, павялічыліся пастаўкі ў Кітай.
З чэрвеня 2022 года экспарт беларускіх піламатэрыялаў расце: калі да гэтага кожны месяц экспартавалася 60 тыс. кубоў, то ўжо ў ліпені 2022 года гэты аб'ём вырас да 77 тыс.
Са слоў Куліка, прафіцыт лесу ў краіне дасягнуў 2,5 млн кубоў.
Цяпер чытаюць
У Магілёве адбылося шэсце да месца масавых рэпрэсій 1930‑х — з іконай расійскага цара і імперскім трыкалорам1
У Магілёве адбылося шэсце да месца масавых рэпрэсій 1930‑х — з іконай расійскага цара і імперскім трыкалорам
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары