Намеснік генпракурора праверыў кароўнік і расказаў, як трэба працаваць на ферме
Намеснік генпракурора Аляксей Стук з рабочым візітам наведаў Гомельскую вобласць. Сярод іншага ён асабіста вырашыў навесці парадак у кароўніку малочнай фермы «Урыцкае». Да яго там ужо наводзілі парадак пракуроры Гомельскага раёна і Гомельскай вобласці.
Малочнатаварная ферма «Урыцкае» ўжо была ўзятая на кантроль пракуратурамі Гомельскага раёна і Гомельскай вобласці, паведамляе прэс-служба Генпракуратуры. Апошні раз пракурорскія работнікі наведвалі яе на пачатку жніўня 2023 года.
Праз месяц Стук «ацаніў стан жывёлагадоўчых абʼектаў, працоўную дысцыпліну, а таксама праверыў ліквідацыю раней выяўленых органамі пракуратуры парушэнняў».
Выявілася, што «на сёння выпраўлена толькі малая частка ўскрытых недаглядаў і недахопаў з моманту апошняга візіту».
«Так, чарговы раз устаноўлены парушэнні тэхналогіі і рэжыму кармлення. У цялят, якім ад двух да шасці месяцаў, канстатавана знясіленне. У іх адсутнічаў падсцілачны матэрыял. У выніку няспраўнасці паілак секцыі з жывёламі былі ў падтопленым стане і запоўненыя арганікай. Ветэрынарныя прэпараты захоўваліся неналежным чынам», — даводзіць прэс-служба Генпракуратуры.
Размаўляючы з работнікамі фермы, Аляксей Стук нагадаў, што кожны кіраўнік і работнік прадпрыемства нясе персанальную адказнасць за захаванне пагалоўя. Звярнуў увагу на важнасць строга прытрымлівацца ветэрынарных і санітарных нормаў пры доглядзе і кармленні маладняку. Асвяжыў веды работнікаў гаспадаркі ў сферы вытворчай і службовай дысцыпліны, а таксама адказнасці за яе парушэнне, як піша прэс-служба.
Выяўленыя парушэнні на кантроль цяпер узяла пракуратура вобласці.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары
І сьпявае хор казьліны
Пішуць бараны раманы
А акулы гояць раны