У інстаграме ў беларусаў можна ўбачыць гісторыі са здымкамі паліц, на якіх побач з кавай Jacobs Monarch стаіць кава пад назвай Monarch Original. Знешне ўпакоўка амаль не адрозніваецца. Карыстальнікі выказваюць здагадкі, што гэта не арыгінальная кава, а антысанкцыйная спроба «закасіць» пад прадукцыю вядомага брэнда.
Jacobs у Беларусі — усё
Як высветлілася, турбавацца з гэтай нагоды не варта. Бо гэта не падробка, а арыгінальная кава ад кампаніі JDE (уласнік Jacobs). Выпускаюць яе ўсё на тым жа заводзе нідэрландскай кампаніі ў Ленінградскай вобласці.
Рэч у тым, што кампанія JDE вырашыла цалкам прыбраць з прылаўкаў у Расіі свой гандлёвы брэнд Jacobs. А паколькі ў глабальным сэнсе наш рынак у выніку палітыкі Аляксандра Лукашэнкі стаў часткай расійскага, кава Jacobs знікне з нашых прылаўкаў, як толькі крамы спрададуць рэшткі тавару са старых партый.
У іншых рэгіёнах свету кава і далей будзе прадавацца пад назвай Jacobs.
Чытайце таксама:
Пад Брэстам вырасцілі гарбуз вагой паўтоны. У яго ёсць нават свае сацсеткі
У Мінску адкрыюць рэстаран «Малевіч»
Былы міністр культуры Руслан Чарнецкі знайшоў сабе падпрацоўку9
Каментары