Папулярныя ў насельніцтва пральныя парашкі не прайшлі праверкі ў Дзяржстандарта. Аказалася, што разрэкламаваныя сродкі ўтвараюць занадта шмат пены і недастаткова добра мыюць рэчы, заўважыў Onliner.
У «чорны спіс» патрапіў Ariel «Горная крыніца». Па заключэнні Дзяржстандарта, вытворца «наўмысна ўказаў прызначэнне прадукцыі «для выкарыстання ў пральных машынах любога тыпу», але пры гэтым яна не можа ўжывацца як сродак для мыцця ў машынах з франтальнай загрузкай. Аказалася, што ад парашка занадта шмат пены, што выходзіць за рамкі нормы.
Такія ж праблемы выявіліся яшчэ з двума папулярнымі сродкамі для мыцця — Persil Sensitive і «Ласка Догляд». Апошні плюс да ўсяго мые вопратку горш, чым пра гэта заяўлена, сцвярджае Дзяржстандарт.
Усе парашкі — расійскай вытворчасці.
Цяпер чытаюць
Мінск, Варшава, Вільня — параўноўваем, дзе прасцей купіць кватэру чалавеку з сярэдняй зарплатай3
Каментары