Дэпутаты пагадзіліся з новымі правіламі праслухоўвання тэлефонаў і ператрусаў
Сёння дэпутаты Палаты прадстаўнікоў прынялі ў другім чытанні змены і дапаўненні ў некаторыя законы, што тычацца ўзмацнення барацьбы са злачыннасцю.
Падчас абмеркавання гэтага дакумента ў першым чытанні 4 снежня ў дэпутатаў узніклі пэўныя сумневы, бо Закон дазваляе
старшыні КДБ Беларусі, міністру унутраных спраў і кіраўніку дэпартамента фінансавых расследаванняў без санкцыі пракурора праводзіць ператрусы, праслухоўванне тэлефонаў і г д.
Старшыня Камісіі па нацыянальнай бяспецы Палаты прадстаўнікоў Віктар Гумінскі казаў, што гэтыя сумневы былі знятыя на пашыраным пасяджэнні Камісіі са спецыялістамі ў галіне барацьбы са злачыннасцю. Гэтае пасяджэнне адбылося паміж разглядам дакументаў у першым і другім чытанні. Магчыма, таму ніякіх прапаноў ад дэпутатаў пасля першага чытаньня, сказаў спадар Гумінскі — не паступала.
Пасля таго як усе 97 дэпутатаў, якія ўдзельнічалі ў галасаванні, выказаліся за прыняцце гэтага дакумента, старшыня Палаты прадстаўнікоў Уладзімір Андрэйчанка сказаў,
што гэты закон выклікаў неадназначную рэакцыю ў грамадстве.
Таму ён прапанаваў праз нейкі час прааналізаваць выкананне гэтага дакумента. «Трэба будзе паглядзець, колькі такіх дакументаў падпісалі старшыня КДБ, міністр унутраных спраў, кіраўнік дэпартамента фінансавых расследаванняў».
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую8
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6767
Каментары