Прынамсі сем буйных тэлекамунікацыйных кабеляў пралягаюць па дне Армузскага праліва. Яны перадаюць велізарныя аб’ёмы даных.
Іран неафіцыйна пагражае пашкодзіць падводныя кабелі перадачы даных і такім чынам адключыць краіны Персідскага заліва ад інтэрнэту, піша Bild.
Інфармацыйнае агенцтва Tasnim News Agency, блізкае да Корпусу вартавых Ісламскай рэвалюцыі, апублікавала карту падводных кабеляў у Армузскім праліве і пракаментавала: «Калі па якой-небудзь прычыне — няхай гэта будуць прыродныя катастрофы, якарэнне судоў, марскія аварыі або наўмысныя дзеянні — некалькі асноўных кабеляў у Армузскім праліве будуць адначасова перарэзаны, лічбавая катастрофа патрасе арабскія дзяржавы Персідскага заліва».
Прынамсі сем буйных тэлекамунікацыйных кабеляў пралягаюць па дне Армузскага праліва. Яны перадаюць велізарныя аб’ёмы даных.
Сістэмы Falcon, AAE-1, TGN-Gulf і SEA-ME-WE злучаюць краіны Персідскага заліва з буйнымі дата-цэнтрамі на Блізкім Усходзе, у Еўропа і Азія. З-за дыпламатычнай напружанасці з Тэгеранам усе кабелі праходзяць у водах Амана, а не Ірана.
Згодна з Tasnim, у выпадку разрыву кабеляў пацерпіць і сам Іран, аднак краіна менш залежыць ад іх і таму «значна менш уразлівая». Афіцыйна іранскія чыноўнікі не каментуюць паведамленне агенцтва. Аднак лічыцца, што яго можна разглядаць як пагрозу.
Аналітыкі некамерцыйнага амерыканскага аналітычнага цэнтра Stimson Center адзначаюць, што праз Ормузскі праліў праходзіць больш за 15% сусветнага трафіку даных. Гэта азначае, што для саюзнікаў ЗША (Аб’яднаных Арабскіх Эміратаў, Катара, Бахрэйна, Кувейта, Саудаўскай Аравіі, а таксама Ірака) кабелі, пракладзеныя па дне, з’яўляюцца жыццёва важнай інфраструктурай.
Збой можа мець сур’ёзныя эканамічныя наступствы, бо праз інтэрнэт штодня ажыццяўляюцца мільёны банкаўскіх і фінансавых аперацый. Пад пагрозай апынуліся б дата-цэнтры для штучнага інтэлекту ў Эміратах і глабальны фінансавы цэнтр у Дубаі. Наступствы адчулі б нават у Афрыцы, Азіи і Еўропе.
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы14
Каментары