У Гомелі шукаюць траіх мужчын. Падобна, што гэта звязана з выбухамі пад Мінскам
Паведамленні аб пошуку трох мужчын з раніцы 6 кастрычніка даслалі ў працоўны чат супрацоўнікаў аўтапарка № 1, расказаў адзін з чытачоў выдання «Люстэрка». Увечары гэтыя ж фатаграфіі з'явіліся ў тэлеграм-канале «Гомельскага аддзялення Беларускай чыгункі».
У чат супрацоўнікаў аўтапарка фатаграфіі мужчын даслалі з подпісам: «Высвятляецца месцазнаходжанне пазначаных асоб» і з просьбай тэлефанаваць на нумар 112. З якой мэтай мужчын шукаюць, супрацоўнікам аўтапарка не патлумачылі.
«У мінулы раз, пасля выбуху самалёта [у Мачулішчах], было тое ж самае», — дадаў чытач.
У 17.15 гэта ж аб'ява з'явілася ў тэлеграм-канале «Гомельскага аддзялення Беларускай чыгункі». Аўтары просяць тых, хто раптам убачыць гэтых людзей, «неадкладна звязацца па тэлефоне 102 або паведаміць намесніку начальніка аддзялення чыгункі Прусу Міхаілу Юльевічу».
Тэлеграм-канал «МатолькаПамажы» са спасылкай на свае крыніцы піша, што «з самай раніцы абвешчаныя ў вышук па ўсёй краіне некалькі мужчын, якія могуць быць датычныя да выбуху на станцыі Азярышча». Таксама пацвярджае гэта і прадстаўнік Bypol Аляксандр Азараў.
Belpol са спасылкай на крыніцы ўнутры краіны паведамляе, што сёння ўначы сілавікі будуць узмоцнена ахоўваць чыгунку. Па словах прадстаўніка арганізацыі Мацвея Купрэйчыка, супрацоўнікі міліцыі ўсіх падраздзяленняў выходзяць дзяжурыць з аўтаматамі.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары