Сёння, 8 кастрычніка, на большай частцы тэрыторыі краіны захаваецца моцны вецер. Ён можа выклікаць абрывы ліній сувязі і электраперадачы, парушэнне электразабеспячэння, пашкоджанне канструкцый, дахаў будынкаў, падзенне дрэў.
У многіх раёнах Беларусі пройдуць кароткачасовыя дажджы, магчымы мокры снег. Вецер заходні, паўночна-заходні 6-11 м/с, на большай частцы тэрыторыі парывы да 15-20 м/с, месцамі да 24 м/с.
Тэмпература паветра ад +3°C па поўначы да +12°C па паўднёвым захадзе.
Па стане на 8 гадзін раніцы нядзелі работы па ліквідацыі наступстваў непагадзі вядуцца ў 95 населеных пунктах. Электразабеспячэнне, парушанае ў выніку непагадзі ў суботу, адноўлена ў 1080 населеных пунктах, паведамляе «Белэнерга».
Цяпер чытаюць
Мацкевіч: Ціханоўскую зняць, замяніць, пераабраць нельга. Не мучайцеся. Нельга — і ўсё28
Каментары