Зяленскі папрасіў украінскіх журналістаў не пісаць пра карупцыю ў войску «да перамогі»
Пасля выхаду журналісцкага расследавання пра завышаныя цэны на прадукты для Мінабароны прэзідэнт Украіны непублічна заклікаў вядомыя медыя часова не прасоўваць тэму карупцыі.
Пра гэта на канферэнцыі National Media Talk 2023, якая праходзіла ў Кіеве, расказала галоўная рэдактарка ZN.UA Юлія Маставая, піша NV.
Яна назвала той выпадак «маленькай гісторыяй, дзе ў кроплі вады адлюстроўваецца свет».
Пра сустрэчу Зяленскага з журналістамі ў рэжыме «без запісу» Маставой распавялі калегі, бо саму яе не запрасілі. Кіраўнік Украіны прасіў прэсу не пісаць аб карупцыі.
«У плане карупцыі мы б прынялі гэтыя ўмовы, калі б прэзідэнт сказаў: «Я не хачу, каб гэтая з'ява раз'ядала нашы тылы, адбівалася на магчымасцях фронту. І таму, вось чалавек — Андрэй Барысавіч [Ярмак — кіраўнік Офіса прэзідэнта Украіны], іншыя людзі, хто заўгодна. Вось ягоны тэлефон. Калі ў вас ёсць аргументаваныя трэкі, факты, прыйдзіце, калі ласка, дадайце іх гэтаму чалавеку, ён адразу возьме трубку. І дайце нам тыдзень на рэагаванне. Калі за тыдзень рэагавання не будзе, друкуйце, паказвайце, пішыце. Але дайце нам шанец выправіцца», — сказала Маставая.
Аднак такой прапановы ад Зяленскага не прагучала, канстатавала яна.
«Ён сказаў: маўчыце да перамогі. Калі будзем маўчаць, ніякай перамогі не будзе», — лічыць галоўная рэдактарка ZN.UA.
Пасля яшчэ аднаго карупцыйнага скандалу, звязанага з закупкай зімовага адзення для вайскоўцаў, 4 верасня міністр абароны Украіны Аляксей Рэзнікаў напісаў заяву аб адстаўцы, на наступны дзень Вярхоўная Рада яго звольніла.
У чатах Калінкавічаў распаўсюджваецца ВІДЭА, якое зафіксавала падзенне беспілотніка1
Каментары