Рух усіх відаў транспарту спыняць на ўсе выходныя.
Часовая мера звязаная з чарговым этапам капітальнага рамонту моста, піша Tochka.by.
Рух спыняць на ўчастку з вуліцы Маскоўскай да вуліцы Чкалава. Абмежаванне будзе доўжыцца з 01:00 у ноч на суботу да 23:55 нядзелі.
Аб'ехаць перакрыты ўчастак можна праз вуліцы Варанянскага, Жукоўскага, Суражскую, Чыгуначную і праспект Жукава.
Як паедзе грамадскі транспарт
Рух тралейбусаў № 27, 51 і аўтобуса № 53 з боку ДС «Дружная» будзе арганізаваны па вуліцах Талстога, Магілёўскай, Чкалава і далей па маршрутах. У зваротным кірунку яны будуць рухацца па вуліцах Брылеўскай, Варанянскага, Жукоўскага, Талстога.
Аўтобусы № 40 і 100 ад праспекта Незалежнасці паедуць па вуліцы Бабруйскай, плошчы Мяснікова, вуліцах Маскоўскай, Талстога, Магілёўскай, Чкалава і далей па маршрутах. У зваротным кірунку транспарт будзе рухацца ад вуліцы Брылеўскай па вуліцах Варанянскага, Жукоўскага, Магілёўскай, Талстога, Вакзальнай, Суражскай, Маскоўскай і далей па маршрутах.
Рух аўтобусаў № 73 ад вуліцы К.Цэткін будзе арганізаваны па вуліцах Маскоўскай, Талстога, Магілёўскай, Чкалава і далей па маршруце. У зваротным кірунку транспарт будзе рухацца па вуліцах Брылеўскай, Варанянскага, Жукоўскага, Магілёўскай, Талстога, Маскоўскай, К. Цэткін і далей па маршруце.
На сайце «Мінсктранса» таксама прыведзены аб'язныя маршруты для аўтобусаў № 163, 4, 47с і прыгараднага № 429.
Пасажырам варта звярнуць увагу на тое, што на час закрыцця руху з транспартнага абслугоўвання выключаецца прыпыначны пункт «Акадэмія кіравання» па вуліцы Маскоўскай у напрамку вуліцы Чкалава. Аўтобусы і тралейбусы ў напрамку мікрараёна «Курасоўшчына» будуць рухацца праз прыпыначны пункт «Прыгожы» па вуліцы Магілёўскай.
Рамонт пуцеправода Маскоўская — Чкалава
Даўжыня рэканструяванага моста — 300 м. З-за ападкаў і солі бэлькі канструкцыі сталі слабымі, патрэскаліся. Таму пры іх дэмантажы прапаноўвалася дзейнічаць асцярожна: спачатку бэлькі хацелі ўзмацніць і толькі затым прыбраць. У адваротным выпадку баяліся абвалу.
У сярэдзіне верасня ўлады заявілі аб паскораных тэмпах рэканструкцыі пуцеправода. У той час будаўнікі выконвалі мантаж пралётаў.
«Калі такі тэмп захаваецца, у лістападзе будзе выкананы комплекс работ, які дазваляе запусціць рух па гэтай палове пуцеправода і прыступіць да капрамонту другой», — анансаваў тады дырэктар прадпрыемства «Гардарбуд» Сяргей Панеў.
На яго думку, далейшы рамонт павінен прайсці хутчэй, бо частка работ — арганізацыя аб'ездаў, праездаў праз чыгунку — ужо выканана ў складзе першага этапу капрамонту.
Каментары