Кіраўнік МЗС Венгрыі: Мы заўсёды будзем захоўваць каналы камунікацыі з Беларуссю
«Мы, венгры, хочам міру і ведаем, што да міру прывядуць мірныя перамовы», — заявіў Петэр Сіярта ў Мінску.
Венгрыя заўсёды будзе захоўваць каналы для камунікацыі з іншымі краінамі, у тым ліку і з Беларуссю, бо калі іх закрыць, то гэта будзе азначаць адмову ад надзеі на мір у рэгіёне. Пра гэта заявіў журналістам міністр замежных спраў і замежнага гандлю Венгрыі Петэр Сіярта па выніках сустрэчы з Аляксандрам Лукашэнкам, піша БелТА.
Ён звярнуў увагу, што Венгрыя, размешчаная ў суседстве з Украінай, кожны дзень сутыкаецца з драматычнымі наступствамі вайны. Краіна ўжо прыняла ў сябе вялікую колькасць бежанцаў. На тэрыторыі Украіны, дзе традыцыйна жывуць венгры, яны пакутуюць і гінуць у выніку ваеннага канфлікту.
«Мы не хочам, каб больш людзей памірала ў гэтай вайне, каб былі далейшыя разбурэнні. І як гэта можна прадухіліць? Трэба скончыць вайну. Мы, венгры, хочам міру і ведаем, што да міру прывядуць мірныя перамовы. Мы выдатна ведаем, што бяспека будзе дасягнутая ў тым выпадку, калі мы зноў зможам сесці за стол перамоў і бяспечна перагаварыць адно з адным», — заявіў міністр.
«Мы заўсёды будзем захоўваць каналы камунікацыі. Калі мы іх закрыем, мы адмовімся ад надзеі на мір, — падкрэсліў ён. — Таму я так высока цаню, што мы сёння тут (на мерапрыемствах і сустрэчах высокага ўзроўню ў Мінску) маглі пагаварыць наконт пытанняў бяспекі і еўразійскага супрацоўніцтва. Я шчыра спадзяюся, што наступіць час, калі еўразійскае супрацоўніцтва зноў стане рэальнасцю».
Венгерскі міністр замежных спраў расказаў, навошта лётаў у лютым у Мінск
Венгрыя дамагаецца, каб у санкцыйны спіс не патрапіў кіраўнік Беларускай чыгункі
Венгрыя заклікала дапусціць спартоўцаў з Беларусі і Расіі да Алімпіяды ў Парыжы
Упершыню за амаль тры гады пасол краіны ЕС уручыла копіі даверчых грамат кіраўніку МЗС
Каментары
Ў тых часоў пазіцыя вугорскага кіраўніцтва стала нашмат больш адыёзнай.