Папяровыя дазволы на ўдзел у дарожным руху — усё? Анансавалі пераход на электронныя
Беларускім аўтааматарам плануюць выдаваць электронныя дазволы на ўдзел у дарожным руху. Новаўвядзенні пачнуць дзейнічаць з пачатку 2024 года, піша БелТА са спасылкай на начальніка ўпраўлення «Белтэхагляду» Міхаіла Міхалоўскага.
Паводле чыноўніка, ідзе паступовы адыход ад папяровых носьбітаў.
«Усё будзе рэалізоўвацца на базе Нацыянальнага цэнтра электронных паслуг, адзінага партала электронных паслуг. Будзе паралельнае тэставанне папяровага носьбіта і электроннага дазволу. Сёння страхавы поліс таксама можна атрымаць у электронным выглядзе. Мы імкнёмся да такога ж і ў дачыненні да дакументаў, якія выдаюць і дыягнастычныя станцыі, і мы».
Паведамляецца, што «Белтэхагляд» з пачатку года выдаў звыш 1,3 млн дазволаў на допуск транспартных сродкаў да ўдзелу ў дарожным руху. У месяц такіх дакументаў афармляецца 120-130 тысяч.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары