«Працягваю працаваць». Стрыжак з паламанай рукой зняў новае відэа
Кіраўнік «Байсол» Андрэй Стрыжак тыдзень таму напісаў, што трапіў у шпіталь, дзе яго чакае аперацыя. Сёння ён ужо выпусціў новае відэа.
«Рукі, ногі, галоўнае — пост! Пераламаная рука, а не шыя ці галава, таму працягваю гэтай самай галавой працаваць і выдаваць кантэнт», — напісаў Стрыжак.
Ён жартуе, што была думка перайменаваць канал у «Адной левай», але перадумалі.
31 кастрычніка Стрыжак напісаў, што трапіў у шпіталь, дзе яго чакае аперацыя і доўгая рэабілітацыя. Што з ім здарылася, ён не паведаміў.
3 лістапада ён напісаў, што «сярэдні працэнт жалеза» ў яго целе падвысіўся «на дзве пласціны і безліч балтоў». «Iron Man, карацей», — напісаў ён.
А ўжо 6 лістапада Стрыжак выпусціў новае відэа. «Ужо на маім канале новы ролік пра чарговую спробу лукашыстаў паездзіць на тэме «дармаедаў», ну і пра мары рэжыму пра свой уласны МОССАД», — анансаваў ён.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»16
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары