Расійская кампанія зрабіла рэкламу «Душа Русі», скраўшы фота ў беларускай фатографкі
Расійскае агенцтва арт-падарожжаў «Карпарацыя твайго стану» зрабіла ў інстаграме пост з рэкламай свайго мерапрыемства «Душа Русі», скраўшы здымкі ў беларускай фатографкі Алісы Цёсь, піша mediazona.by.
«Карпарацыя твайго стану» ў інстаграме рэкламуе сваё мерапрыемства «Душа Русі», якое мае прайсці 11—12 лістапада. Рэкламнае відэа зроблена са здымкаў людзей, большасць з якіх апранутыя ў беларускія народныя строі. Пры гэтым відэа суправаджаецца подпісамі «We are Russians».
Каментатары пад ролікам заўважылі, што частка фота — фатаграфіі беларускіх святаў і ў цэлым большасць здымкаў ніяк не звязаная з Расіяй, бо на іх — беларусы.
«Навошта вы скралі фота беларускі? Чарговае пацверджанне, што так званая «русская культура» зараз — гэта красці, выдаваць чужое за свае… Які сорам! Ведалі, што Беларусь — іншая краіна? Які сорам!» — рэзка напісаў адзін з каментатараў.
Аўтарка гэтых фота — беларуская фатографка Аліса Цёсь. На сваёй старонцы ў інстаграм яна напісала: «Які цырк браць мае здымкі для падобных відэа».
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны26
Каментары