Адпаведныя пастановы прыняты 14 снежня Міністэрствам эканомікі.
Як паведамляе сайт Мінэканомікі,
межавыя адпускныя цэны на ялавічыну павышаны на 5%, свініну — на 3%.
«Эканамічна абгрунтаванае павелічэнне адпускных цэн на мяса будзе ажыццяўляцца мясаперапрацоўчымі арганізацыямі, не перавышаючы межавыя адпускныя цэны», — гаворыцца ў паведамленні.
Цэны на гарэлку і іншыя віды алкагольнай прадукцыі мацункам больш за 28% павялічаны ў сярэднім на 5%.
У прыватнасці, новая прэйскурантная рознічная цана на такія масавыя віды гарэлак, як «Аквадзіў», «Белая Русь сярэбраная», «Бярозавая», «Афіцэр» і інш., складзе ад 7.860 да 7.950 рублёў за бутэльку 0,5 літра.
Пастанова прынята «з улікам прапаноў канцэрна «Белдзяржхарчпрам» у мэтах кампенсацыі павелічэння ставак акцызаў на гарэлку і іншую алкагольную прадукцыю», тлумачыць Мінэканомікі.
Рознічныя цэны таксама павышаны на цыгарэты, што выпускаюцца ў Беларусі паводле праграмы імпартазамяшчэння (Pall Mall, Pall Mall Superslims), а таксама на імпартныя — Glamour (Pinks, Menthol), Sobranie (Black Russian, Cocktail) і R1 — «на ўзроўні, прапанаваным вытворцамі і імпарцёрам».
Акрамя таго, падаражэлі цыгарэты «Карона», вытворчасць якіх аднаўляецца на Гродзенскай тытунёвай фабрыцы «Нёман», паведамляе Мінэканомікі.
Згаданая пастанова прынята «ў мэтах кампенсацыі росту акцызу на тытунёвую прадукцыю».
Цэны на тытунёвую і алкагольную прадукцыю павышаны 19 снежня. Пастанова аб павелічэнні адпускных цэн на мяса набудзе моц пасля афіцыйнага апублікавання.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты8
Каментары