Чым Байдэн частаваў Сі і як паставіў яго ў няёмкае становішча з жонкай
Сустрэча кіраўніка КНР Сі Цзіньпіна і прэзідэнта ЗША Джо Байдэн стала галоўнай палітычнай навіной у свеце. Выданні распавядаюць пра яе некаторыя свецкія дэталі.
Перад пачаткам сустрэчы прэзідэнт ЗША Джо Байдэн і старшыня КНР Сі Цзіньпін паціснулі адзін аднаму рукі ля ўваходу ў 56-пакаёвы асабняк XX стагоддзя плошчай 5 тысяч кв. метраў.
Затым яны разам са сваімі камандамі сустрэліся ў зале, які часта выкарыстоўваецца для правядзення вясельных цырымоній.
Падчас працяглай сустрэчы лідары дзвюх краін пачаставаліся пельменямі з рыкотай, артышокамі, запечанай у эстрагоне курыцай, рысам, запечанымі брокалі і міндальным безэ.
Сама размова не абмяжоўвалася сусветнымі канфліктамі і ядзернай зброяй.
У нейкі момант падчас чатырохгадзіннай сустрэчы Байдэн павіншаваў жонку Сі, Пэн Ліюань, з надыходзячым днём нараджэння. Сі адказаў, што яму няёмка: ён так шмат працаваў, што забыўся пра дзень нараджэння жонкі.
Пасля сустрэчы Байдэн і Сі прагуляліся сярод гранатавых дрэў і верасу пад шэрымі каліфарнійскімі аблокамі.
Затым Сі адбыў у Сан-Францыска, дзе ў яго была запланаваная сустрэча з лідарамі амерыканскага бізнэсу на вячэры з коштам страў у 2000 даляраў.
Байдэн застаўся, каб правесці прэс-канферэнцыю, на якой ён заявіў, што па-ранейшаму лічыць свайго ганаровага госця дыктатарам.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары
То может еще одну войну развернет? Згарэу сарай- гары и хата))