За станам мінскіх мастоў будуць сачыць у аўтаматызаваным рэжыме
У Мінску ствараюць аўтаматызаваны цэнтр маніторынгу стану мастоў. На іх усталююць датчыкі, даныя з якіх будуць паступаць на сервер прадпрыемства «Гараўтамост». Пра гэта агенцтву «Мінск-Навіны» расказаў дырэктар прадпрыемства Павел Важнік. Пры небяспецы абвальвання сістэма павінна падаць сігнал трывогі.
Адзін з пуцеправодаў — на пр. Пераможцаў праз вул. М. Багдановіча — ужо падключаны да сістэмы. На пуцеправодзе на МКАД праз аўтадарогу Мінск-Дзяржынск таксама ўстаноўлены датчыкі, іх падлучаць да сістэмы да канца 2023 года.
«На маніторы камп'ютара спецыяліст прадпрыемства бачыць мікраперамяшчэнні элементаў збудавання адносна нулявой адзнакі. Пры перавышэнні дапушчальных параметраў сістэма пасылае сігнал трывогі», — кажа Важнік пра прынцып працы аўтаматызаванага маніторынгу.
У 2023 годзе ў сталіцы поўнасцю замянілі пакрыццё на пяці мастах і пуцеправодах. Капітальны рамонт правялі на пуцеправодах на 25-м км МКАД над выездам са сталіцы ў брэсцкім напрамку і на вул. Запарожскай.
Цяпер ідуць працы на абʼекце паміж вул. Чкалава і вул. Маскоўскай.
У 2024 годзе ў Мінску плануюць адрамантаваць сем маставых збудаванняў.
-
Хэдлайнерам канцэрта ў Мінску ў Дзень Перамогі стане Алег Газманаў
-
Палітвязня Уладзіміра Кнігу трэці раз будуць судзіць за «злоснае непадпарадкаванне» ў калоніі
-
Севярынец: Мы не павінны быць ружовымі поні і казаць, што мы будзем гладзіць па галаве тых самых кадэбістаў альбо спецназаўцаў, якія б’юць людзей
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца10
Каментары