Жыхарка Мінска выкінула з акна свае рэчы, у тым ліку пакет, у якім знаходзілася больш за 11 тысяч рублёў. Пра гэта стала вядома са зводкі ГУУС Мінгарвыканкама.
Фота ілюстрацыйнае
У міліцыю паступіў званок, што каля дома па вуліцы Ракасоўскага валяюцца рэчы. Пазней удалося ўстанавіць, што рэчы з акна кватэры выкінула 83-гадовая жыхарка.
Калі міліцыянеры пазванілі ў дзверы, іх ніхто не адчыняў. Трапіць у кватэру ўдалося толькі пры дапамозе сваякоў жанчыны. Яна прызналася, што сама выкінула рэчы, а прычыну свайго ўчынку растлумачыць не змагла.
Пажылая жанчына мела патрэбу ў медыцынскай дапамозе, яе даставілі ў бальніцу. А грошы і іншыя выкінутыя рэчы перадалі яе сваякам.
Цяпер чытаюць
Іна Кулей: Мілінкевіч перамог смерць, але шлях да поўнага адужання няблізкі4
Каментары