У Баранавічах у сераду пачаў працу рэстаран хуткага абслугоўвання Mak.by.
Ён стаў 28‑м рэстаранам сеткі і першым, што адкрыўся ў раённым цэнтры, піша Realt.by.
Mak.by пабудавалі ў цэнтры горада — на Савецкай, 96.
Рэстаран рэалізаваны ў фармаце, распрацаваным спецыяльна для рэгіянальных гарадоў. Пры гэтым ён абсталяваны ўсімі асноўнымі тэхналогіямі Mak.by: кіёскамі самаабслугоўвання, лічбавымі менюбордамі, падзеленымі зонамі прыёму і выдачы заказаў, а таксама сістэмай прыгатавання заказаў для кожнага госця.
Таксама працуе Mak.Drive.
У новым Mak.by створана 68 працоўных месцаў, з якіх 43 супрацоўнікі — жыхары Баранавічаў. Кампанія арыентуецца на прыцягненне мясцовых спецыялістаў і плануе, што на працягу 2026 года ўвесь персанал рэстарана будзе фарміравацца з жыхароў горада.
Першымі гасцямі новага рэстарана сталі выхаванцы чатырох дзіцячых дамоў сямейнага тыпу з Баранавічаў.
Mak.by прыйшоў на месца «МакДональдс», які працаваў у Беларусі з 1996 года і закрыўся 22 лістапада 2022 года. Першапачаткова меркавалася, што на яго месцы адкрыецца расійскі брэнд «Вкусно — і точка», але гэтага не адбылося. Каля паўгода рэстараны фактычна працавалі без назвы: наведвальнікаў сустракала толькі шыльда «Мы адкрыты». Новая назва з’явілася ў красавіку 2023 года. А ў 2024 годзе Mak.by набыла беларуская кампанія «Кволіці Фуд».
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары