Літоўскія перавозчыкі: Літоўскія цягачы па-ранейшаму заблакаваныя на пляцоўках у Беларусі
Прэзідэнт асацыяцыі Linava Эрландас Мікенас заявіў, што літоўскія цягачы да гэтага часу знаходзяцца на пляцоўках у Беларусі, а дзяржава і перавозчыкі штодня нясуць вялікія страты. Акрамя таго, заўважыў ён, няма ніякай інфармацыі аб аднаўленні руху, піша Delfi.
Мікенас 24 снежня ў публічнай заяве адказаў на словы прэм’ер-міністра Інгі Ругінене аб тым, што немалая частка захраслых цягачоў ужо курсуе паміж Літвой і Беларуссю: «Перавозчыкі не могуць пацвердзіць гэтую інфармацыю. Хто яе падаў прэм’ер-міністру, можа адказаць толькі яна сама. Перавозчыкі, якія апынуліся ў закладніках, сустракаюць святы з расчараваннем, а заявы прэм’ер-міністра і міністра транспарту толькі раздражняюць іх. Відавочна, што страты ўрада і перавозчыкаў не ўваходзяць у спіс прыярытэтаў урада».
Кіраўнік Linava заклікаў урад прымаць меры для вяртання цягачоў у Літву.
«LINAVA просіць не сімвалічных жэстаў і дэкларацый, а яснага, афіцыйнага і празрыстага рашэння, якое забяспечыць рэальнае вяртанне ўсіх цягачоў, што належаць літоўскім перавозчыкам, а не ілюзіі, быццам праблему вырашаюць ці ўжо вырашылі», — сказаў Мікенас.
Прэм’ер-міністр Інга Ругінене заявіла 23 снежня, што немалая частка фур, якія захраслі ў Беларусі, ужо курсуе паміж Літвой і Беларуссю, а ведамствы працягваюць працу па вяртанні астатніх транспартных сродкаў.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары