Завялі крымінальную справу за абразу памерлага міліцэйскага начальніка са Шчучына
Па інфармацыі выдання Hrodna Life, сілавікі пачалі затрымліваць людзей за каментары ў сувязі са смерцю намесніка кіраўніка Шчучынскага РАУС падпалкоўніка Сяргея Асавіка. Той памёр на працоўным месцы.
Пакуль праўладныя каналы паведамляюць як мінімум пра аднаго затрыманага. Супрацоўнікі ўпраўлення па Гродзенскай вобласці ГУУБ МУС затрымалі за абразлівыя каментары 42-гадовага мужчыну. Кажуць, што ў яго шэсць судзімасцяў, у тым ліку — за забойства.
Пры гэтым сілавікі адзначылі, што гэта не адзіны падобны каментар.
Пра смерць Сяргея Асавіка стала вядома 29 лістапада. Яму было 42 гады. У Шчучынскім РАУС ён працаваў намеснікам начальніка аддзела — начальніка міліцыі грамадскай бяспекі.
Вядома, што Асавіку стала дрэнна на працоўным месцы і дактары хуткай дапамогі не змаглі яго выратаваць.
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары