Вялікабрытанія, верагодна, паставіла Украіне ракеты з большай дальнабойнасцю, чым заяўлялася
Нямецкае выданне Bild са спасылкай на вайсковага эксперта паведаміла, што Украіна, вельмі верагодна, атрымала ад Вялікабрытаніі ракеты Storm Shadow з большай дальнабойнасцю, чым гэта паведамлялася афіцыйна.
Генерал бундэсвера ў адстаўцы і вайсковы эксперт Эрхард Бюлер заявіў, што ў іншым выпадку Украіна не змагла б знішчыць дэсантны карабель «Новачаркаск» у порце Феадосіі.
Да гэтага порта па прамой было 250 кіламетраў ад лініі фронту, аднак ракеты дакладна ляцелі не так, як іх бы запускалі адтуль. Запускалі іх у глыбіні тэрыторыі, якая знаходзіцца пад кантролем УСУ.
«Крылатая ракета павінна была праляцець больш за 250 км над акупаванай тэрыторыяй. Для гэтага трэба ведаць, дзе размешчаныя пазіцыі РЛС і СПА. Гэта не робіцца проста так», — падзяліўся меркаваннем генерал Бюлер.
«Увогуле і ў цэлым гэта азначае, што Украіна мае крылатыя ракеты з рэальнай дальнабойнасцю 400 км. […]
Свабода перамяшчэння Чарнаморскага флоту значна абмежаваная. Цяпер Феадосія, адзін з апошніх крымскіх партоў, якія лічыліся бяспечнымі, больш не бяспечны порт для Расіі. […]
Па шматлікіх другасных выбухах відаць, што на дэсантным караблі была вялікая колькасць боепрыпасаў. Мы ведаем, што гэтыя караблі выкарыстоўваюцца расіянамі як транспартныя судны», — расказаў вайсковы эксперт.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?11
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары