Паглядзіце, якую сімпатычную жывёлу прызналі нацыянальным сімвалам Кыргызстана
У Кыргызстане прэзідэнт Садыр Жапараў падпісаў указ «Аб прызнанні снежнага барса нацыянальным сімвалам краіны».
Дакумент прыняты «ў мэтах далейшай дзяржаўнай падтрымкі ініцыятыў па захаванні снежнага барса і яго экасістэмы ў Кыргызстане». Згодна з указам, Кабінету міністраў даручана «вызначыць ідэалагічны змест нацыянальнага сімвала», распрацаваць лагатып і варыянты яго прымянення, а таксама прыняць меры па абароне папуляцыі снежнага барса, піша «Радыё Свабода Кыргызстан».
У 2019 годзе ў Кыргызстане налічвалася 330 асобін снежнага барса. Жывёла таксама занесена ў Чырвоную кнігу, штраф за яе адстрэл складае 1,5 млн сомаў (17 тысяч даляраў).
Каментары