Сцяг з Пагоняй, прыбраны з Камянецкай вежы.
Раней сцяг з Пагоняй знаходзіўся на верхнім ярусе вежы, побач з ім вісеў сцяг з Калюмнамі, родавым знакам Гедзімінавічаў. Як стала вядома «Нашай Ніве», на сёння Пагоня з вежы прыбраная, але Калюмны засталіся. Гэта кажа пра ідэалагічныя прычыны знікнення гістарычнага сімвала.
Можна меркаваць, што змены ў экспазіцыі музеі былі звязаныя з візітам у Каменец міністра культуры Анатоля Маркевіча ў сакавіку 2023 года. Сярод іншага, міністр наведваў і Камянецкую вежу.
Верхні ярус экспазіцыі ў Камянецкай вежы са сцягамі, на якіх намаляваны Пагоня і Калюмны
Герб «Пагоня» ўнесены ў Дзяржаўны спіс гісторыка-культурнай каштоўнасцей як нематэрыяльная спадчына, а лукашэнкаўская прапаганда, адкідаючы гісторыю Рэчы Паспалітай як час польскага прыгнёту, на словах абвяшчае гісторыю Вялікага Княства Літоўскага важнай і неад'емнай часткай беларускай спадчыны.
Але на практыцы боязь «апазіцыйный» нацыянальнай сімволікі пераважвае жаданне шанаваць гісторыю і спадчыну свайго краю.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Чытайце таксама:
У Лідзе з магілы ксяндза Адама Фалькоўскага знік герб паўстання Каліноўскага
У серыяле «Слова пацана» заўважылі Пагоню
Актывісты даведаліся, хто і калі знёс памятны знак у гонар паўстання 1863 года ў Гродне
