Упершыню Лукашэнка не выступаў па-беларуску на цырымоніі ўручэння прэміі «За духоўнае адраджэнне»
Традыцыйна гэта было адзінае мерапрыемства, дзе Аляксандр Лукашэнка прамаўляў не па-руску. Ці прынамсі не толькі па-руску.
У Мінску прайшла цырымонія ўручэння прэмій «За духоўнае адраджэнне» і «Беларускі спартыўны Алімп». Яна праходзіць штогод (раней раз на два гады), у ёй традыцыйна прымае ўдзел Аляксандр Лукашэнка.
Адметнасць цырымоніі заўсёды была ў тым, што гэта рэдкі выпадак, калі Аляксандр Лукашэнка выступаў па-беларуску. Няхай часткова — некалькі хвілін з агульнай прамовы, — няхай па паперцы, але ўсё ж па-беларуску.
Гэтаксама было і ў мінулым годзе, і раней. І вось у 2024 годзе Лукашэнка ўпершыню цалкам адмовіўся ад беларускай мовы.
Праўда, было і адно выключэнне. У зняважлівым стылі падчас рускамоўнай прамовы было выкарыстана беларускае слова «заняпад». Па меркаванні Лукашэнкі, «беглыя гвалтам крычаць пра заняпад духоўнасці і культуры», але ўсё гэта няпраўда.
-
У Беларусі вырашылі не забараняць вэйпы — бо на іх ёсць «пэўны спажывецкі попыт»
-
У Мінску паставілі бронзавы помнік качцы, якая летась стала любіміцай сталіцы
-
Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода
Каментары