Беларуская мастачка Зоя Літвінава зрабіла роспіс капліцы Божай Маці ў камуне Хопфгартэн у Аўстрыі. У жывапіснай тэхніцы энкаустыка, дзе галоўным рэчывам з’яўляецца воск, аўтарка стварыла яскравыя выявы Божай Маці, анёлаў і трох каралёў на сценах каменнай капліцы, піша reform.by.
Мастачку звязваюць з камунай Хопфгартэн (федэральная зямля Ціль) даўнія культурніцкія сувязі. Ужо больш за дзесяць гадоў яна сябруе з мясцовым галерыстам Петэрам Айнбергам і пастарам Нікаласам Эрберам. Разам са скульптаркай Галінай Гаравой яны працавалі над аздабленнем капліцы Божай Маці ў мястэчку і над праектам скульптурнай кампазіцыі на могілках парафіі.
У 2008 годзе з вялікім поспехам прайшла выстава мастачак у тутэйшай галерэі Kunstraum. Роспіс капліцы — працяг творчага супрацоўніцтва беларускай мастачкі і камуны.
Цяпер чытаюць
Бліжэйшым часам будуць вызвалены больш за 150 палітзняволеных29
Каментары