Клуб прыняў рашэнне, што ў сезоне-2024 працягне гуляць у другой лізе (гэта значыць трэці па значнасці дывізіёне беларускага футбола).
Па выніках чэмпіянату трэцяга дывізіёна ў 2023 годзе «птушкі» заваявалі сярэбраныя медалі і атрымалі права ўдзельнічаць у працэсе ліцэнзавання, нагадвае football.by.
Дырэктар клуба Алег Давідовіч сказаў, што на сённяшні дзень у каманды няма мінімальна неабходнага бюджэту для ўдзелу ў першай лізе.
«Нягледзячы на прывабнасць клуба як рэкламнага брэнду, што можна бачыць па лічбах наведвальнасці матчаў, продажаў і ахопаў у сацыяльных сетках, мы атрымалі шэраг адмоваў ад супрацоўніцтва. На сённяшні дзень у клуба няма мінімальна неабходнага бюджэту для ўдзелу ў першай лізе. Рызыкаваць існаваннем клуба і дапускаць магчымае зняцце «Крумкачоў» па ходзе сезона я не маю права. Таму было прынята складанае рашэнне аб удзеле ў чэмпіянаце сярод каманд другой лігі 2024 года», — сказаў кіраўнік каманды.
Каментары