26-гадовай дзяўчыне ў стаматалогіі налічылі больш за 20 тысяч рублёў: «Дзе мне ўзяць грошы? Крэдыт»
Беларусы скардзяцца ў тыктоку на тое, як дорага трэба плаціць за стаматалагічныя паслугі (некаторыя нават кажуць, што пасля спробаў дзяржавы знізіць кошты яны наадварот выраслі). Дзе ж браць на гэта грошы? Шукаць крэдыт. Сваім досведам падзялілася 26-гадовая дзяўчына, якой у стаматалогіі сказалі, што лячэнне абыдзецца прыкладна ў 20 тысяч рублёў.
Блогерка, якая падпісаная ў тыктоку як Алёна Зарэчная, распавяла сваю не вельмі вясёлую гісторыю. Але ж да сітуацыі маладая дзяўчына ставіцца не без аптымізму:
− Мне выставілі чэк на 20 тысяч рублёў — і гэта яшчэ не канчатковая цана. Мы не лічым лячэнне, замену старых пломбаў, каронкі і іншае. Мы лічым толькі 8 імплантаў і 8 каронак на імпланты — вось гэта 20 тысяч рублёў. Пытанне: а дзе мне ўзяць грошы? Я знайшла варыянт — крэдыт. Так, мне пашанцавала: у мяне добрая праца, афіцыйная зарплата, добрая крэдытная гісторыя, я плацежаздольная, мой малады чалавек плацежаздольны, у нас ёсць кватэра.
Watch on TikTok
Блогерка адзначае, што растэрміноўкі, якія прапаноўваюць стаматалогіі (напрыклад, па картках «Халва», «Чарапаха») на 2-6 месяцаў асабліва б не дапамаглі.
− Цана пытання высокая. Можа, гэта цана цалкам абгрунтаваная. Але ёсць жа людзі, якія не могуць нармальна жаваць, нармальна ўсміхацца, а грошай на стаматалогію не маюць. На жаль, няма зараз такіх умоў растэрміновак ад стаматалогій, якія б выратавалі людзей.
Блогерка адзначыла, што даведалася пра існаванне крэдыту на медыцынскія паслугі ад Беларусбанка, які ёй не пасуе, але для кагосьці можа стаць варыянтам.
Беларусбанк сапраўды выдае крэдыт «на аплату медыцынскай дапамогі і паслуг, набыццё медыкаментаў, медыцынскай тэхнікі на тэрыторыі Беларусі» − у апісанні пазначана, што ім можна карыстацца ў тым ліку і для аплаты стаматалагічных паслуг.
Працэнтная стаўка па гэтым крэдыце складае 11,5-12,5%. Мы выкарысталі калькулятар крэдытаў на сайце банка для таго, каб падлічыць, які даход трэба мець, каб атрымаць у крэдыт 20 тысяч рублёў на 5 гадоў. Калі няма выплат па іншых крэдытах і аліментаў, то тэарэтычна дастаткова зарабляць каля 1370 рублёў на месяц. Пры гэтым выплачваць кожны месяц прыйдзецца прыкладна 547 рублёў. Усяго за ўвесь перыяд карыстання грашыма банка давядзецца пераплаціць 6250 рублёў.
Не будзь як Саладуха. Што не так з «ядзерным» адбельваннем зубоў
«Каронкі для зубоў вязні рабілі самі». Эксперты расказалі пра турэмную медыцыну ў Беларусі
Стаматолаг з Капыля запярэчыў чыноўнікам: Зніжаць цэны — мы пацерпім страту
«Як можна зменшыць кошт паслугі адразу на 40 працэнтаў?» Стаматолагі пра намеры Мінздароўя абмежаваць цэны
Цяпер чытаюць
Знікненне спікеркі КР Анжалікі Мельнікавай. Усё важнае, што вядома на гэты момант15
Каментары
Там на входе профессионального вышибалу зубов поставили?