Лукашэнка павіншаваў літоўцаў, а не кіраўніцтва з нацыянальным святам і панаракаў на спыненне эканамічных сувязяў
Аляксандр Лукашэнка павіншаваў народ Літвы з нацыянальным святам — Днём аднаўлення дзяржавы. 16 лютага 1918 года Літоўская Тарыба (Рада) ва ўмовах нямецкай акупацыі склала і падпісала «Акт аб незалежнасці Літвы», які абвясціў аднаўленне незалежнай дэмакратычнай літоўскай дзяржавы. Праз пяць тыдняў, 25 сакавіка 1918 года, аналагічны дакумент прыме Рада Беларускай Народнай Рэспублікі.
«Беларусь заўсёды была зацікаўлена ў мірнай квітнеючай Літве. Мы разам наладжвалі эканамічныя і гуманітарныя сувязі, гандлявалі, прыязджалі адзін да аднаго ў госці, стваралі сем'і. Літоўская Клайпеда традыцыйна з'яўлялася марскімі варотамі для беларускага экспарту», — гаворыцца ў віншаванні.
Лукашэнка заявіў, што яшчэ некалькі гадоў таму «ніхто не мог нават уявіць, што літоўскія палітыкі змогуць так бяздумна забараніць нам наведваць Літву, пабудаваць сцены з калючым дротам на агульнай мяжы, нацэліць на нас зброю і нават паказваць, як нам жыць у сваёй краіне».
Тут ён не прыгадаў, што Літва ўвяла санкцыі ў адказ на рэпрэсіі ў Беларусі і дапамогу Расіі ў вайне супраць Украіны, а таксама дала прытулак дзясяткам тысяч беларусаў, што збеглі ад пераследу на сваёй радзіме.
Лукашэнка дадаў, што міралюбівы беларускі народ адказаў на гэта падаўжэннем бязвізавага рэжыму для жыхароў Літвы, прапанаваў свае тавары, медыцынскія паслугі, электраэнергію, адчыніў дзверы санаторыяў, тэатраў, музеяў.
«Упэўнены, што цяперашняя сітуацыя ў нашых адносінах не адпавядае памкненням простых літоўцаў», — сцвярджае ён.
Лукашэнка ўжо які год запар звяртаючыся з віншаваннямі з нацыянальнымі святамі, віншуе народы, а не кіраўніцтва гэтых краін.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
А теперь, что-то, вякаешь.