Каля «Мінск Свет» прадаюць дом за мільён даляраў. Так, мы не памыліліся
Мець свой дом у ажыўленым мікрараёне сталіцы — гэта раскоша. Тым больш калі гаворка ідзе не пра старую хату пад знос, а пра трохпавярховы катэдж.
Размясціўся гэты катэдж у масіве прыватнага сектара на вуліцы Чарнігаўскай. У адрозненне ад іншых участкаў Кастрычніцкага раёна, пра знос у гэтым кутку Мінска пакуль нічога не чуваць, піша Realt.by.
Менавіта тут на 11 сотках (шыкоўна — для горада) размясціўся трохпавярховы дом і шматфункцыянальная гаспадарчая пабудова. Жылы дом налічвае 186 квадратаў, яшчэ адзін шматфункцыянальны будынак з эксплуатаваным дахам і навесам − каля 150 квадратаў. Агульная плошча ўсяго комплексу складае 320 квадратных метраў.
Сцены дома выкананы з пустацелага керамічнага блока і ўцеплены. Паведамляецца, што комплекс быў цалкам рэканструяваны ў перыяд з 2018 па 2023 гады.
На першым паверсе галоўнага дома размясцілася кухня-гасцёўня, калідор, санвузел і гардэробная. На другім — тры спальні (у тым ліку і майстар-спальня з гардэробам і санвузлом), а таксама яшчэ адзін санвузел. На трэцім паверсе можна знайсці хобі-пакой і кабінет з камінам і кінапраектарам.
Мэбля і прадметы інтэр'еру ў доме створаны вядомым мастаком, які надаў кожнаму памяшканню непаўторны стыль. Міжпакаёвыя дзверы і прыступкі лесвіцы выкананы з натуральнага дуба, кухня, укамплектаваная тэхнікай SMEG, з масіва вішні.
Не менш важна ў гэтым катэджы забеспячэнне камфорту і выгоды. Сістэма ацяплення і вентыляцыі ўключае ў сябе кандыцыйны кацёл, рэкуператар паветра, цёплую падлогу, канвектары, радыятары, два кандыцыянеры нямецкай вытворчасці. Вокны з цёплым алюмініевым профілем і энергазберагальнымі шклопакетамі забяспечваюць ідэальную тэмпературу і шумаізаляцыю. Сантэхніка Laufen, GROHE, ламінат і прадметы інтэр'еру — вытворчасці ЕС.
Уся тэрыторыя каля дома добраўпарадкавана. У аздабленні выкарыстаны натуральны камень і контурнае падсвятленне. Акрамя таго, пад тратуарам устаноўлена трубавая сістэма антыаледзянення, каб адчуваць сябе бяспечна і абаронена нават у халодныя зімовыя дні.
Таксама ў комплексе маецца сістэма відэаназірання з 13 камер для аддаленага кантролю тэрыторыі і дамафоны, забяспечваючы высокі ўзровень бяспекі. Арганізавана два выхады з парковачнымі месцамі на вуліцах Чарнігаўскай і Аэрафлоцкай.
У аб'яве ўдакладняецца, што комплекс можа выкарыстоўвацца не толькі як жылы дом са шматлікімі пакоямі і выгодамі для камфортнага жыцця сям'і. Дзякуючы планіровачнаму рашэнню, гаспадарчая пабудова можа стаць гасцявым домам, лазняй ці нават офісным памяшканнем.
Кошт дома — 1 мільён даляраў.
Цяпер чытаюць
Стала вядома, што цяпер адбываецца з палітвязнем Юрасём Зянковічам, якога вызвалілі па просьбе ЗША8
Каментары