Расійскі сенатар параўнаў міністра абароны ЗША з малпай. Амерыканскі астранаўт яму адказаў
Былы кіраўнік «Раскосмасу» Дзмітрый Рагозін апублікаваў расісцкі жарт. Яго ацанілі далёка не ўсе.
Рагозін запосціў дзве фатаграфіі — на адной упаляваная пігмеямі малпа, а на другой — міністр абароны ЗША Лойд Осцін з украінскім калегам Рустэмам Умеравым і Уладзімірам Зяленскім.
Фота сенатар падпісаў на англійскай і рускай мовах: Міністр абароны ЗША Лойд Осцін да хваробы вельмі любіў фатаграфавацца з пігмеямі. Так Рагозін прыгадаў гісторыю з таемнай шпіталізацыяй амерыканскага міністра.
Твіт расійскага чыноўніка набраў больш за мільён праглядаў і мізэрную для такога ахопа колькасць лайкаў (каля 250). У адказах яму прыгадалі неанацысцкае мінулае, а астранаўт Скот Келі напісаў Рагозіну па-руску:
«Дзімон, улічваючы што ты, па сутнасці, нацыст, твой агідны расізм не выклікае асаблівага здзіўлення. Ты банальна зайздросціш сапраўднаму генералу з яго рэальным баявым досведам, таму што ты — фэйкавы салдат з фэйкавымі медалямі. Калі ты збіраешся вярнуцца ва Украіну, каб зноў пагуляць у салдацікаў? Не забудзься захапіць з сабой браняваныя памперсы», — напісаў Келі.
У снежні 2022 года ракета прыляцела ў рэстаран у Данецку, дзе Дзмітрый Рагозін адзначаў свой дзень нараджэння. Сенатар атрымаў шматлікія раненні, але выжыў.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць7
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5858
Каментары