У аўстрыйскай Вене затрымалі двух беларусаў, якія хацелі вынесці з супермаркета на Кеплерплац без аплаты бутэлькі з алкаголем. Пра гэта піша «Беларусь і свет» са спасылкаю на мясцовую паліцыю.

Фота: lpdnoe / Facebook
Мужчыны ва ўзросце 36 і 52 гады ўзялі з паліцы некалькі бутэлек алкаголю, з дапамогай магніта знялі прыстасаванне супраць крадзяжоў, схавалі бутэлькі пад адзеннем і пайшлі міма касы.
Іх дзеянні заўважыў ахоўнік. Старэйшага мужчыну ён спыніў, а маладзейшы уцёк, прычым спрабаваў адбіцца ад ахоўніка бутэлькай. Але і яго недалёка ад магазіна злавіла паліцыя.
Мужчын папярэдне змясцілі пад арышт. Выкрадзеныя ў гандлёвым абʼекце бутэлькі і магніт былі канфіскаваныя.
Каментары