Стала вядома, якія грошы турысты пакідаюць у мінскіх гатэлях і апартаментах
Сярэдні тарыф на жыццё турыстаў у мінскіх гатэлях і апартаментах сёлета складае 66 даляраў за суткі. Пра гэта паведаміў Рэспубліканскі саюз турыстычнай індустрыі са спасылкай на даныя сэрвісу анлайн-браніравання Ostrovok.ru.
Сярэдні перыяд паміж браніраваннем аб'екта размяшчэння і паездкай склаў 31 дзень. Паказчык вырас у параўнанні з мінулым годам на 44%. Такім чынам, турысты цяпер пачалі складаць больш доўгатэрміновыя планы.
У сярэднім у Мінску турысты жывуць 2,5 дня. Сярэдні чэк — 168 даляраў.
У параўнанні з мінулым годам на сэрвісе анлайн-браніравання Ostrovok.ru у паўтара разы вырасла колькасць аб'ектаў размяшчэння ў Беларусі. Цяпер гэта каля 3 тыс. варыянтаў, з іх 80% — апартаменты і кватэры.
Паводле даных агрэгатара, 88% браніраванняў у Беларусі — ад турыстаў з Расіі, 8% — беларусаў, 1,5% — жыхароў краін Балтыі, 3% — з іншых рэгіёнаў. Таксама з дапамогай пляцоўкі размяшчэнне ў Беларусі браніруюць кітайцы. Іх доля складае 0,3%.
У 2022 годзе жыццё ў мінскіх гатэлях каштавала ад 18 да 120 даляраў за нумар у суткі.
«У яе вельмі мудры погляд». У мінскім гатэлі паселяць экзатычную птушку
Турысты з якіх краін, апроч Расіі і Кітая, браніравалі мінскія гасцініцы ў 2023 годзе
У мінскім крутым гатэлі ўжо больш за тры гады жыве італьянец. І з'язджаць не збіраецца
У Беларусі запрацаваў новы сэрвіс анлайн-браніравання гатэляў
Цяпер чытаюць
Беларусы сустракаюць вызваленых палітвязняў у Вільні ФОТЫ і ВІДЭА5
Каментары
Что это за союз и чем он занимается? Озвучить данные с рос ресурса? А денежки союз гребёт регулярно?