Мужчына на Магілёўшчыне разбіраў зайца і падхапіў небяспечную хваробу
У Шклоўскім раёне чалавек заразіўся рэдкай інфекцыяй, разбіраючы зайца без пальчатак. Падрабязнасці расказалі ў Магілёўскім абласным цэнтры гігіены, эпідэміялогіі і грамадскага здароўя.
Жыхар Магілёва, які цяпер часова жыве ў Шклоўскім раёне, разбіраў тушу зайца, пасля чаго ў яго дыягнаставалі небяспечнае захворванне — тулярэмію.
«Інфікаванне адбылося кантактным шляхам пры разбіранні тушы без выкарыстання пальчатак», — пракаментавалі эпідэміёлагі.
З моманту заражэння тулярэміяй да з'яўлення клінічных праяў звычайна праходзіць ад 3 да 7 дзён. Інфекцыя б'е па лімфатычных вузлах, скуры, часам па слізістых абалонках вачэй, глотцы, лёгкіх і страўнікава-кішэчнаму тракту. У хворага назіраюцца выяўленыя сімптомы агульнай інтаксікацыі, працяглая ліхаманка і лімфадэніт.
Заражэнне тулярэміяй у сучаснай Беларусі справа рэдкая, штогод у краіне рэгіструюць толькі адзінкавыя выпадкі тулярэміі. Напрыклад, у Магілёўскай вобласці за апошнія 17 гадоў было зарэгістравана ўсяго 14 выпадкаў заражэння.
Кубракоў даводзіў, што міліцыянт Згірскі не датычны да банды налётчыкаў. Цяпер таго судзяць — пагражае да 20 гадоў3
Каментары