Беларуская аўтамабільная асацыяцыя прапануе адмяніць рэгуляванне цэн на легкавыя аўтамабілі
За першыя два месяцы 2024 года цэны на новыя легкавыя аўтамабілі ў Беларусі знізіліся да ўзроўню мінулага года. З улікам узроўню інфляцыі ў краіне, прымяненне 713-й пастановы стварае афіцыйным дылерам шмат праблем.
Беларуская аўтамабільная асацыяцыя прапанавала ўраду выключыць легкавыя аўтамабілі з-пад дзеяння нормаў аб рэгуляванні цэн.
Па дадзеных Белстата, якія прыводзяць у БАА, індэкс спажывецкіх цэн на легкавыя аўтамабілі ў снежні 2023-га склаў да снежня 2022-га года 105,57%. А ў лютым 2024-га — 102,88%. Гэта значыць, на рынку афіцыйных дылерскіх продажаў назіраецца дэфляцыя, прытым што афіцыйная інфляцыя ў краіне склала ў 2023 годзе 5,8%.
Асноўнай прычынай такой сітуацыі ў асацыяцыі лічаць дамінаванне на рынку беларускага вытворцы — СЗАТ «БелДжы» (рынкавая доля па выніках мінулага года — 72%). Яго цэны жорстка рэгулююцца дзяржавай, а астатнія гульцы рынку вымушаныя падладжвацца пад яго цэнавую палітыку з-за канкурэнцыі.
У БАА таксама адзначаюць, што прымяненне 713-й пастановы ўскладніла працу дылераў. З-за яго яны не могуць выкарыстоўваць многія інструменты стымулявання продажаў — напрыклад, аўтабонусы. Акрамя таго, зарэгуляваны лізінг, абмежаваныя магчымасці па рэкламе і т. д.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары