Музыка11

«Яндэкс Музыка» заблакавала старонку шалёна папулярнага беларускага выканаўцы Ap$ent

У Расіі Арсеній Кісляк (Ap$ent) не прызнаны Мінюстам замежным агентам і не ўключаны ў пералік «экстрэмістаў і тэрарыстаў», які вядзе Расфінманіторынг.

Музычны сэрвіс «Яндэкс Музыка» абмежаваў доступ да старонкі беларускага артыста Ap$ent (сапраўднае імя — Арсеній Кісляк), пішуць «Ведомості». Пры пераходзе на яе з'яўляецца апавяшчэнне аб тым, што старонка «недаступная на патрабаванне Раскамнагляду».

«Яндэкс Музыка» 27 сакавіка атрымала ад Раскамнагляду (РКН) афіцыйнае патрабаванне аб абмежаванні доступу да старонкі артыста Ap$ent, кажа яе прадстаўнік: «Мы звярнуліся ў РКН і Генпракуратуру па тлумачэнні прычын».

У іншых музычных стрымінгах — «VK Музыка», «МТС Музыка» і «Звук» профіль артыста Ap$ent пакуль даступны.

Старонка Ap$ent у найбліжэйшы час будзе заблакаваная і ў «МТС Музыцы», распавёў суразмоўца ў гэтым сэрвісе.

У «VK Музыцы» ад каментароў адмовіліся. 

Самы папулярны трэк выканаўцы Ap$ent «Можна я з табой», ён уваходзіць у топ-чарты ўсіх расійскіх музычных сэрвісаў: на 27 сакавіка ён займае 2-е месца ў чартах «Яндэкс Музыкі» і «МТС Музыкі», 4-ю пазіцыю — у «VK Музыцы», а таксама 14-е месца ў чарце «Звуку».

На YouTube відэа з гэтай песняй мае больш за 7 млн праглядаў, яно займае 6-е месца ў рэйтынгу «100 найлепшых кліпаў» у Расіі на гэтым відэахостынгу.

Арсеній Кісляк (Ap$ent) доўгі час жыў у Беларусі. Песня «Можна я з табой», з ягоных слоў, была напісаная ў 2022 г. Тады жонка спевака Марыя была прысуджаная да года абмежавання волі праз абразы Лукашэнкі ў каментарах тэлеграма. Да выканання прысуду Арсеній і Марыя Кісляк эмігравалі ў Грузію.

Каментары1

  • Ľ
    28.03.2024
    пара бы ўжо адмовіцца ад расейшчыны ды ўсяго руzzкага з іх рэпрэсіўнымі сэрвісамі кшталту яндэкса, вк і гд, якія да таго яшчэ і збіраюць ды зліваюць усе вашыя дадзеныя з наўпроставым доступам да іх з кабінета на лубянцы. пачытайце апошнія кейсы ў рф, пачытайце іхнія законы за апошнія 5 гадоў, усё (нават ключы шыфравання яндэксу) захоўваецца на расейскіх серверах і пры неабходнасці ўсё гэта будзе на руках у таварышчы фсбэшніка.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дзе нарадзіліся вядомыя беларусы? Больш за дзесяць тысяч асоб сабралі на адной карце4

Дзе нарадзіліся вядомыя беларусы? Больш за дзесяць тысяч асоб сабралі на адной карце

Усе навіны →
Усе навіны

Турчын: Пералік тавараў з рэгуляванымі цэнамі скароцяць3

Украінцы ўзялі ў палон ураджэнца Магілёва і прысудзілі яму 15 гадоў за дзяржаўную здраду10

«Мы будзем адказваць на ўсе ўдары з боку Расіі». Зяленскі адрэагаваў на заяву Крамля пасля перамоў з ЗША3

У Бярозаўскім раёне жанчына набыла праз аўкцыён хату сваёй бабулі3

Аляксандр Івулін завёў мілага сабаку. Пра такую пароду вы, магчыма, не чулі17

«Трамп, відаць, не пагадзіўся на гэтыя вар'яцкія ўмовы»: першыя рэакцыі на размову Трампа з Пуціным8

Маршрутка для тых, хто курыць, ці самагонны апарат на колах? У Бабруйску заўважылі незвычайнае аўто1

«Вельмі добрая і прадуктыўная». Трамп пракаментаваў сваю размову з Пуціным4

Якія назвы вуліц самыя папулярныя ў Беларусі?5

больш чытаных навін
больш лайканых навін

Дзе нарадзіліся вядомыя беларусы? Больш за дзесяць тысяч асоб сабралі на адной карце4

Дзе нарадзіліся вядомыя беларусы? Больш за дзесяць тысяч асоб сабралі на адной карце

Галоўнае
Усе навіны →

Заўвага:

 

 

 

 

Закрыць Паведаміць