Улады рэспублікі Татарстан паведамілі, што адной з дзвюх цэляў учорашняй атакі дронаў стаў інтэрнат «Алабуга палітэх». Пацярпелі студэнты-замежнікі, якія ўдзельнічалі ў вытворчасці дронаў.
У выніку ўдару па інтэрнаце пацярпелі 14 чалавек, гэта грамадзяне Расеі, Кыргызстана, Шры-Ланкі, Зімбабвэ, Руанды, Конга, Кеніі, Нігерыі, Паўднёвага Судана.
Незалежныя журналісты раней распавялі, што навучэнцы «Алабуга палітэх» удзельнічаюць у зборцы дронаў для ўдараў па Украіне.
Акрамя таго, навучэнцаў «палітэха», занятых на вытворчасці дронаў, прымушаюць рэгістравацца ў дэйтынгавых дадатках, каб завабліваць у Ялабугу студэнтак з афрыканскіх краін. Там іх прыцягваюць на працу ў якасці прыбіральшчыц.
Каментары