28 сакавіка Юрыю Каравацкаму споўнілася 60 гадоў. Пра яго ў пастаўскай раёнцы ёсць не адзін артыкул — ён служыў авіяцыйным тэхнікам самалёта на Афганскай вайне.
26 сакавіка, за два дні да юбілею, яго судзіла Наталля Максімовіч, піша тэлеграм-канал «Віцебск, я гуляю».
Мужчыну ставілася наяўнасць на яго старонцы ў «Аднакласніках» матэрыялаў некаторых «экстрэмісцкіх» медыя і суполак: The Village Беларусь, ByPol News, лагатып Палка Кастуся Каліноўскага.
Мужчына на судзе паведаміў, што даўно падпісаўся на гэтыя суполкі, з часам забыўся пра іх і не ведаў, што тыя ўваходзяць у нейкія забароненыя спісы, а тэлефон у яго зламаўся.
Мужчына прасіў не караць яго сурова напярэдадні юбілею.
Максімовіч у выніку арыштавала яго на 5 сутак.
Паколькі мужчына да суда ўжо сядзеў 3 сутак (з 20 па 23 сакавіка), у юбілейны дзень у 12.30 яго мусілі вызваліць.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары