Палітычны лідар групоўкі ХАМАС Ісмаіл Ханія расказаў, што ягоныя сыны Хазем, Амір і Мухамад Ісмаіл загінулі ў выніку авіяўдару па сектары Газа.

Ханія, які займае пасаду кіраўніка палітбюро ХАМАС, растлумачыў, што сыны заставаліся ў сектары пасля пачатку ваеннай аперацыі Ізраіля. Раней інфармагенцтва ў Газе паведаміла пра гібель сыноў і ўнукаў Ханіі ў выніку ўдару па лагеры бежанцаў, адзначае BBC.
Гэта не першыя члены сям'і Ханіі, якія загінулі падчас вайны: у лютым быў забіты яшчэ адзін сын лідэра ХАМАС, у кастрычніку ён страціў брата і пляменніка, а ў лістападзе быў забіты ўнук.
Ханія заявіў, што гібель ягоных сваякоў не зменіць пазіцыю ХАМАС на перамовах аб спыненні агню. Ізраіль пакуль не каментаваў інфармацыю пра гібель сыноў Ханіі.
Цяпер чытаюць
Праектавалі кароўнікі і акумулятарны завод, а цяпер узяліся за барока. З велічнага езуіцкага калегіума ў Пінску збіраюцца збіць увесь тынк — а ён быў распісаны фрэскамі
Каментары