«Біла рукамі, нагамі і тэлефонам». Матцы, якая катавала паўтарагадовага сына, вынеслі прысуд
З-за моцнага ап'янення яна не памятала абставінаў катавання сына.
У Барысаве вынеслі прысуд маці, якая збіла свайго паўтарагадовага сына.
Знаходзячыся ў стане алкагольнага ап'янення, жанчына катавала свайго маленькага сына. Паведамляецца, што яна не менш за 14 разоў ударыла дзіця рукамі, нагамі і мабільным тэлефонам, кідала на падлогу і крэсла і не менш за два разы ўкусіла за левую руку.
Суд Барысаўскага раёна прызнаў жанчыну вінаватай у наўмысным прычыненні працяглага болю, які не пацягнуў наступстваў, у дачыненні да непаўналетняга. Сваю віну абвінавачаная прызнала, падкрэсліўшы, што праз моцнае ап'яненне яна не памятае абставінаў катавання сына.
У выніку яе асудзілі на два гады калоніі. Таксама ў жанчыны канфіскавалі мабільны тэлефон, якім яна наносіла ўдары. Апроч іншага, ёй было прызначана прымусовае лячэнне хранічнага алкагалізму.
Каментары