За апошні год колькасць людзей, якім патрабавалася забеспячэнне сродкамі рэабілітацыі, вырасла больш чым на 137 тысяч чалавек, або амаль на 42 працэнты.
Больш за 466 тысяч расіянаў з інваліднасцю сталі на ўлік для атрымання крэслаў-вазкоў, крэслаў з санітарным абсталяваннем і пратэзаў ніжніх канечнасцяў, піша выданне «Вёрстка».
Гэта рэкордны паказчык за ўвесь час вядзення статыстыкі з 2012 года.
За апошні год колькасць людзей, якім патрабавалася забеспячэнне сродкамі рэабілітацыі, вырасла больш чым на 137 тысяч чалавек, або амаль на 42 працэнты.
У папярэднія гады рост заставаўся ў межах 7%, а агульная колькасць людзей з інваліднасцю, якія маюць патрэбу ў сродках рэабілітацыі, не перавышала 331 тысячу чалавек.
Найбольш высокі попыт назіраецца на вазкі — колькасць заявак на іх вырасла з 211 тысяч да 292,4 тысячы. Колькасць заявак на крэслы з санітарным абсталяваннем павялічылася з 66,5 тысячы да 101,6 тысячы, а колькасць тых, каму неабходныя пратэзы ніжніх канечнасцяў, — з 51,4 тысячы да 72,3 тысячы чалавек.
Таксама ў 2023 годзе значна вырасла колькасць людзей, якія стаяць на ўліку, якім патрабуецца спецыяльнае адзенне, прыстасаванае для патрэб інвалідаў. Калі да канца 2022 года налічвалася 56,6 тысячы такіх грамадзян, то да канца 2023 года іх стала ўжо 89,6 тысячы, што з'яўляецца найвышэйшым паказчыкам за ўвесь час назіранняў.
Каментары