Беларус патлумачыў у тыктоку, чаму варта заўсёды перавешваць на касе ўжо ўзважаную каўбасу
Беларус апублікаваў у тыктоку ролік, дзе патлумачыў, чаму на касе можна ўбачыць, як прадавец перавешвае палку каўбасы і пералічвае яе кошт, нягледзячы на ўжо выстаўлены кошт на цэтліку.
Мужчына спачатку звярнуў увагу на абʼяву ў каўбасным аддзеле крамы: «Паважаныя пакупнікі! Канчатковы кошт каўбасных вырабаў вызначаецца на касе». Мужчына растлумачыў, што гэты надпіс адносіцца да сыравяленых, сыравэнджаных і сухіх каўбас.
«Гэты тып каўбас, паступаючы ў краму, працягвае ўсыхаць і губляць у вазе. Таму сённяшнія вага і кошт будуць адрознівацца ад заўтрашніх не на карысць пакупніка. І так цярпіць практычна ўся сыравяленая і сухая каўбаса», — кажа ён.
10 г каўбасы могуць каштаваць і 30 капеек. «А калі такіх палак купляецца 10, 100, 1000?» — даводзіць аўтар роліка.
Просто напоминаем вам, что такое может быть, но не специально
Ён дадае, што ўсушка каўбасы — гэта «не нешта такое звышнатуральнае». «Гэта ўсё прапісваецца ў нарматыўных і тэхнічных дакументах Рэспублікі Беларусь. А каб крама не губляла выручку, як правіла, паміж прадаўцом і вытворцам існуюць пэўныя дамоўленасці і скідкі», — тлумачыць мужчына.
Таму касір павінен звяраць рэальную вагу з той, што пазначана на этыкетцы, і, у выпадку розніцы, павінен пералічыць кошт тавару.
«Няхай гэтае відэа ўбачыць кожны пакупнік! А аўтару дзякуй ад усіх гандлёвых сетак», — напісаў адзін з каментатараў.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары