Пасля збожжа ЕС можа ўвесці павышаныя мытныя пошліны на іншыя беларускія і расійскія тавары
Павышаныя мытныя пошліны, якія будуць уведзеныя ў дачыненні да збожжа з Беларусі і Расіі з 1 ліпеня, могуць пазней быць распаўсюджаныя і на іншыя тавары, заявіла 30 мая на прэс-канферэнцыі па выніках пасяджэння Рады Еўрасаюза па гандлі міністарка замежных спраў Бельгіі Хаджа Лябіб (Бельгія цяпер старшынствуе ў Еўрасаюзе).
Паводле слоў чыноўніцы, гэтая прапанова «павінна стаць прадметам далейшага абмеркавання для ацэнкі наступстваў ад яе рэалізацыі». З самой гэтай ініцыятывай выступіла Швецыя.
30 мая Рада ЕС падтрымала прапанову Еўракамісіі ад 22 сакавіка і прыняла рашэнне аб павышэнні тарыфаў на імпарт некаторых відаў сельскагаспадарчай прадукцыі з Расіі і Беларусі.
Прэс-сакратар МЗС Беларусі Анатоль Глаз, каментуючы гэта рашэнне, заявіў, што яно «нанясе ўдар па сусветнай харчовай бяспецы», а «звычайныя фермеры, прадпрымальнікі і іншыя падаткаплацельшчыкі на сабе адчуюць яшчэ шэраг негатыўных наступстваў».
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі19
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары